Apliko tani

AL / EN

Postimet e fundit

Mirë se u ktheve, Dean!

Shkolla “TES” dhe shokët e tij e pritën me krenari Dean Lashin, nxënësin tonë që u rendit në vendin e dytë në “Hippo World Finals”

Natasha Poroçani Shuteriqi në një takim letrar me nxënësit e Shkollës “TES”

Një libër hap dyert drejt një bote të re, ndërsa një takim me autorin e tij e bën këtë përvojë edhe më të veçantë. Kjo ishte atmosfera që shoqëroi takimin e nxënësve të klasave të katërta dhe të pesta të Shkollës “TES” me shkrimtaren Natasha Poroçani Shuteriqi, në kuadër të aktiviteteve të organizuara për Muajin e Letërsisë.

Takimi u shndërrua në një hapësirë të hapur bashkëbisedimi, ku kureshtja e fëmijëve, pyetjet dhe shkëmbimi i ideve u ndërthurën me përvojën dhe krijimtarinë e autores. Nxënësit patën mundësinë të njihnin më nga afër botën e letërsisë për fëmijë, të ndanin përshtypjet e tyre mbi librat dhe të zbulonin më shumë rreth procesit krijues që qëndron pas çdo historie.

Përmes këtij komunikimi të drejtpërdrejtë, letërsia mori një dimension tjetër: nga faqet e librave u bë një përvojë e gjallë, ku personazhet, historitë dhe imagjinata u kthyen në tema diskutimi dhe reflektimi.

Takime të tilla janë një mënyrë e rëndësishme për të nxitur kulturën e leximit, për të afruar fëmijët me autorët shqiptarë dhe për t’i frymëzuar ata të eksplorojnë botën e librave, të krijojnë dhe të ëndërrojnë përmes fuqisë së fjalës.